Доц. д-р Татјана Гергинова е родена на 06.10.1967 година во Скопје. Основно и средно образование завршила во Скопје.
На Правниот факултет „Јустинијан Први“ – Скопје при Универзитетот „Св. Кирил и Методиј“ – Скопје, се запишала во 1986 година, и дипломирала 1991 година, со просечен успех од 9,13 и била наградена како еден од трите најдобро дипломирани студенти во генерацијата. Во Институтот за педагошка доквалификација при Филозофскиот факултет – Скопје, ги положила испитите за педагошка доквалификација со просек 10.
На Филозофскиот факултет при Универзитетот „Св. Кирил и Методиј“ – Скопје, ги завршила последипломските студии по Европски студии за интеграција и комуникации, и на 15.04.2005 година го одбранила магистерскиот труд со наслов “Имплементацијата на Рамковниот договор како еден од условите за интеграција на Република Македонија во Европската унија”, и се стекнала со научен степен магистер по европски студии за интеграција и комуникации.
На 11.06.2012 година успешно ја одбранила докторската дисертација со наслов “Полицијата и заштитата на човековите права во Безбедносниот систем на Република Македонија” – одбранет на Правниот факултет – “Јустинијан први” – Скопје, со што се стекнала со научен степен доктор на правни науки.
Во периодот од 1992 година до 1994 година работела во Основно јавно обвинителство-Скопје и Основен суд Скопје 1 – Скопје. Во 1996 година се вработува во тогашниот Центар за образование на кадри за областа на безбедноста како наставник. Одржувала настава со учениците од средното полициско училиште и слушателите на курсеви, настава по предметите: Вовед во држава и право; Уставно уредување и Кривична постапка. Со основањето на Полициската академија, 2003 година, именуваната преминува на работа во новооснованата институција и работи како наставник-инструктор во реализација на содржините од правно-криминалистичката област. Во периодот од 2001 – 2003 година, д-р Татјана Гергинова работи како Национален инструктор во тимска работа со ОБСЕ за образование на полициски кадри во Областа на безбедноста, согласно Рамковниот договор, како и во реализација на курсевите за освежување на знаење, подготовка на слушатели полицајци за полагање на државен испит. Работно искуство и како член на работна група составена од национални инструктори и инструктори од ОБСЕ за евалуација на наставните содржини утврдени со наставната програма во ЦОКОБ и ОБСЕ. Во периодот на 2004 и 2005 година, кандидатката работи како Наставник – инструктор на наставните содржини од правно – криминалистичката област опфатена со наставната програма на курсот за основна обука за гранична полиција и основна обука за инспектори (млади офицери).
За соработник во соработничко звање асистент по прв пат е избрана со Одлука на Наставно-научниот совет на Полициската академија на седницата од 27.09.2006 година (Одлука бр. 41-0701/64 од 09.10.2006 година), од кога и поминува на работа на работното место соработник, една година на предметот “Вовед во полициски науки”, а следните шест години на Студиската програма “Криминалист “на предметите:
– “Основи на безбедност и безбедносен систем на Република Македонија” и
– “Тактика на работа на разузнавачката служба и службата за безбедност и контраразузнавање”.
И на Студиска Програма “Безбедност и финансиска контрола”
– “Основи на безбедност и безбедносен систем на Република Македонија” и
– Во еден семестар работи како соработник на предметот “Меѓународен тероризам”
Со Одлука на Наставно-научниот совет на Факултетот за безбедност – Скопје, бр. 0701/284 од 08.10. 2012 година, д-р Татјана Гергинова се избира во наставно-научно звање ДОЦЕНТ на научната област Друго – Безбедност во приватен сектор (51610) за предметот “Тактика и техника за обезбедување. Д-р Татјана Гергинова има богато педагошко и воспитно образовно искуство од 1996 година до денес како со слушатели – студенти така и со ученици во средното полициско училиште како и учествувала во реализација на курсеви за основна обука за полициски службеници, курсеви за основна обука за гранична полиција и основна обука за инспектори (млади офицери). Има полагано педагошка доквалификација во Институтот за педагошка доквалификација при Филозофскиот факултет – Скопје, каде предметите Психологија, Методика и педагогија ги има положено со оценка 10. Покрај магистерскиот труд и докторската дисертација има објавено повеќе научни и стручни трудови, а воедно како предавач / презентер или учесник има присуствувано на бројни настани (конференции, семинари, обуки, работилници и сл.) од областа на безбедноста, безбедносна политика и стратегија, полициските овластувања, заштитата на човековите права и слободи и сл. Покрај активностите непосредно поврзани со организација на работата на предметните програми на кои е ангажирана, д-р Татјана Гергинова на Факултетот за безбедност учествувала и во други ангажмани, меѓу кои:
– Секретар на Катедрата за безбедносни науки – прв циклус универзитетски студии, од 2007 – 2012 година година и сеуште ја извршува оваа функција.
– Координатор за ЕКСТ на Катедрата за безбедносни науки – прв циклус универзитетски студии од 2007 година па наваму.
– Член на Работната група за Студиската програма “Безбедност и финансиска контрола” – прв циклус универзитетски студии од 2007 – 2010 година.
– Секретар на Уредувачки одбор на Годишникот на Факултетот за безбедност – Скопје за 2010 година.
– Член на Наставно-научен совет – 15 септември 2009 до март 2012 година, и од 04.10. 2012 година па наваму.
